Մադրիդյան As պարբերականը փորձել է կապ հաստատել «Տոտենհեմի» առաջատար Գարեթ Բեյլի հետ, ով այժմ գտնվում է Ուելսի հավաքականում և մարզվում է հավաքականի թիմակիցների հետ: Լրատվամիջոցի լրագրող Մարկո Ռուիսը ժամանել է Ուելսի մարզաբազա և Բեյլի ժամանման պահին ֆուտբոլիստին որոշ հարցեր ուղղել: Մեջբերում ենք As-ից.

Լրագրողն ասում է.

-Գիտես ո՞վ եմ ես:

Բեյլն առաջվա պես չի պատասխանում հարցերին:

-Ես ուրվական եմ:

Կատակը ստացվեց, Բեյլը վերջապես ժպտաց (ինչը երևում է լուսանկարում):

Ուղեկցելով նրան մինչև հյուրանոց' հարցնում եմ.

-Գործերդ ինչպե՞ս են: Պատրաստվու՞մ ես խաղալ Ուելսի կազմում:

Կրկին չկա պատասխան: Հարցնում եմ' սա ժամանակը չէ՞ խոսելու համար: 

Վերջապես բացում է բերանը.

-Ես ցավում եմ, բայց հիմա իսկապես խոսելու համար ժամանակը չէ:

Հիշեցնենք, որ Գարեթ Բեյլի ծառայություններով հետաքրքրված է Մադրիդի «Ռեալը», սակայն վերջին շրջանում «Տոտենհեմի» և «Արքայական» ակումբի միջև բանակցությունները, կարծես, առաջընթաց չեն ապրում: