Բունդեսլիգայի մեկնարկային տուրում Դորտմունդի «Բորուսսիան» հյուրընկալվելիս վստահ հաղթանակ տոնեց «Աուգսբուրգի» նկատմամբ:

Դորտմունդցիները չորս անպատասխան գնդակ ուղարկեցին մրցակցի դարպասը. երեք անգամ աչքի ընկավ թիմի նորեկ Օբամեյանգը, ում համար սա առաջին խաղն էր Բունդեսլիգայում: Նշենք, որ Օբամեյանգին գոլային փոխանցումներ կատարեցին Ռոյսը, Շմելցերը և Լևանդովսկին: «Բորուսսիայի» վերջին գոլի հեղինակը Լևանդովսկին էր. նա անվրեպ իրացրեց 11 մետրանոց հարվածը:

Հայաստանի ազգային հավաքականի կիսապաշտպան Հենրիխ Մխիթարյանը հայտավորված չէր այս խաղին, քանի որ դեռ լիովին չի ապաքինվել վնասվածքից:

«Աուգսբուրգ»-«Բորուսսիա» 0:4