16:52 Կասիլյաս. Ռոնալդուն լավագույն ֆուտբոլիստն է աշխարհում | |
Մադրիդի «Ռեալի» դարպասապահ Իկեր Կասիլյասը հարցազրույց է տվել ESPN-ին և անդրադարձել նախամրցաշրջանային մարզումներին, Ռոնալդուի պայմանագրի երկարաձգմանը, Բեյլի հավանական տեղափոխությանը և այլ թեմաների: Նախամրցաշրջանային փուլը-Ես երջանիկ եմ և հուզված, ցանկանում եմ մրցաշրջանը լաց սկսելօ և թիմի համար ամենալավն անել: Մոուրինյոյի հեռանալը-Դա ֆուտբոլային աշխատանքային փորձ էր: Անընդհատ առաջ են գալիս նոր մարտահրավերներ, նոր խաղեր և տեղի ունեցածը պետք է պարզապես անցյալում թողնել: Մոուրինյոյի հետ հարաբերությունները-Տեղի ունեցածն ինձ մոտ սպիեր չի թողել: Մոուրինյոյի հետ ինչ տեղի է ունեցել, մնացել է նախորդ մրցաշրջանում: Եթե հանդիպեմ նրան, կողջունեմ, ոչ մի խնդիր չկա. միշտ պետք է հարգալից լինել դիմացինի նկատմամբ: Ռոնալդուի պայմանագրի երկարաձգումը-Ռոնալդուն 4 տարի թիմում է, 200-ից ավելի գոլ է խփել, ակումբի համար առավելագույնն է արել: Այս պահին ինձ համար նա աշխարհում լավագույնն է, բայց պայմանագրի երկարաձգումը ինձանից կախված չէ: Բեյլի հավանական տեղափոխությունը-Ես դեռ չգիտեմ, թե այդ տեղեկությունները պաշտոնական են, թե ոչ: Ակումբի նախագահները լավ աշխատանք են կատարում և թիմ են ցանկանում հրավիրել լավագույններին: Ողջունելի կլինի, եթե Բեյլը տեղափոխվի «Ռեալ»: Մեսսին և Նեյմարը-Նրանք երկու լավ ֆուտբոլիստներ են, ովքեր կլրացնեն Ինյեստային և Չավիին: «Բարսելոնան» կրկին ամրացավ ուժեղ ֆուտբոլիստով, բայց «Ռեալը» տարիների ընթացքում մակարդակով չի զիջել «Բարսելոնային»: | |
|
Մեկնաբանություններն ընդամենը՝: 0 | |