Ֆրանսիայի ֆուտբոլի ֆեդերացիայի բողոքարկումների կոմիտետը որոշել է չեղյալ համարել «Մոնակոյից» 2 միավոր հանելու որոշումը: Այս մասին հաղորդում է Le 10 Sport-ը:

Նախապես ակումբը պատժվել էր «Լե Մանոյի» հետ խաղում երկրպագուների պահվածքի համար: Նրանք վազել էին դաշտ և հարձակվել գլխավոր մրցավարի վրա: Դրանից հետո Ֆրանսիայի ֆուտբոլի ֆեդերացիան որոշել էր, որ նոր մրցաշրջանը «Մոնակոն» սկսելու է  -2 միավորով, սակայն ակումբի ղեկավարությանն բողոքարկումը տվել է իր արդյունքը: Նշենք նաև, որ «Մոնակոյի» դաշտի որակազրկումը չի հանվել: