Ruhrnachrichten.de կայքը հաղորդում է, որ Հայաստանի հավաքականի և Դորտմունդի «Բորուսսիայի» կիսապաշտպան Հենրիխ Մխիթարյանը երեքշաբթի օրը մարզվել է նախ ֆիզպատրաստության մարզչի հետ, ապա որոշ վարժություններին միացել ընդհանուր խմբին: Մխիթարյանը «Բորուսսիայի» մանկապատանեկան դպրոց կատարած անսպասելի այցի ժամանակ ասել է.

-Հուսով եմ շատ շուտով կսկսեմ լիարժեք մարզվել: Անհամբեր սպասում եմ տղաների հետ մարզվելուն : Ոտքիս հետ կապված խնդիրներ արդեն չկան: 

Դեռևս հայտնի չէ՝ արդյո՞ք Մխիթարյանը կմասնակցի շաբաթ օրը կայանալիք Բունդեսլիգայի առաջին տուրի «Աուգսբուրգի» դեմ խաղին, թե՞ ոչ: Որոշումը պետք է կայացնի գլխավոր մարզիչ Յուրգեն Կլոպպը, ով նախընտրում է վնասվածքից ապաքինված ֆուտբոլիստնեևրին զգուշորեն մտցնել խաղի մեջ: Ավելի հավանական է, որ Մխիթարյանը իր նորամուտը Գերմանիայի առաջնությունում կնշի երկրորդ տուրի «Բրաունշվեյգի» դեմ խաղում: