«Ռեալի» լեգենդ Ռաուլ Գոնսալեսն օգոստոսի 22-ին վերադառնում է «Սանտիագո Բեռնաբեու»՝ մասնակցելու ավանդական «Սանտիագո Բեռնաբեուի» գավաթի խաղին՝ «Ռեալի» և իր ներկայիս թիմ «Ալ-Սադդի» միջև: Խաղից առաջ Ռաուլը հարվազրույց է տվել Real Madrid Tv-ին, տեղեկացնում է Marca-ն:

«Հիանալի է վերադառնալ «Սանտիագո Բեռնաբեու»: Շնորհակալ եմ բոլոր երկրպագուներին աջակցության համար: Ցանկանում եմ հաճույք ստանալ այս խաղից. մեկ խաղակեսը ես կանցկացնեմ «Ռեալի» կազմում, մյուսը՝ «Ալ-Սադդի»»,-ասել է Ռաուլը:

Լեգնեդը խոսել է նաև Մոուրինյոյի, մեկնարկած Լա լիգայի և Բեյլի հավանական տեղափոխության մասին.

«Մոուրինյոն շատ լավ աշխատեց, իսկ Կարլո Անչելոտին աշխարհի լավագույն մարզիչներից մեկն է: Բեյլը հիանալի ֆուտբոլիստ է, բայց նրա գինը շատ բարձր է: «Բարսելոնան» շատ լավ խաղացողներ ունի, և մրցակցություն կլինի երկու թիմերի միջև»