Մադրիդի «Ռեալը», նախքան «Բարսելոնայի» հետ Նեյմարի պայմանագրի կնքումը, լրջորեն հետաքրքրված էր բրազիլացու ծառայություններով և մի շարք գայթակղիչ առաջարկներ է կատարել: Այս մասին գրում է կատալոնական El Mundo Deportivo պարբերականը:

Աղբյուրի հաղորդմամբ' «Ռեալի» ղեկավարությունը Նեյմարին Մադրիդի էլիտար թաղամասերից մեկում' Զինեդին Զիդանի և մի շարք այլ աստղերի բնակարանների հարևանությամբ, տուն է առաջարկել:

«Արքայական» ակումբի ղեկավարությունը փորձել է այդ կերպ համոզել Նեյմարին, որ Մադրիդում նրան առավել լավ կյանք է սպասվում, և ֆուտբոլիստը չի ունենա խնդիրներ կապված կատալոներենն ուսումնասիրելու հետ: Սակայն, եթե անգամ այդ լուրերը համապատասխանում են իրականությանը, Նեյմարն իր ընտրությունը կատարեց հօգուտ Կատալոնիայի և «Բարսելոնային»: