«Ատլետիկոյի» հարձակվող Դավիդ Վիլյան, ով այս ամռանն է «Բարսելոնայից» տեղափոխվել մադրիդյան ակումբ, խոսել է իր նախկին և ներկայիս թիմերի միջև սպասվող Իսպանիայի Սուպերգավաթի խաղից:

-Ես լավ հիշողություններ ունեմ կապված «Բարսելոնայում» անցկացրած երեք տարիներիս հետ, բայց հենց խաղը մեկնարկի, «Բարսելոնան» կդառնա ինձ համար հերթական մրցակիցը: «Բարսան» հիանալի մարզավիճակում է, դրանում համոզվելու համար բավական է տեսնել, թե ինչպես նրանք մեկնարկեցին Լա լիգայում:

Մենք հնարավորություն ունենք նրանց հաղթելու. դրա համար անհրաժեշտ է իդեալական խաղ ցուցադրել, և խնդիրներ ստեղծել,-Վիլյայի խոսքերը մեջբերված են իսպանական մամուլից:

Հիշեցնենք, որ «Բարսելոնայի» և Մադրիդի «Ատլետիկոյի» միջև Սուպերգավաթի հանդիպումները կկայանան օգոստոսի 22-ին և 29-ին։